SEJARAH PUNGUAN LADANG TONGA

Disosohon amanta ulupunguan ladang tonga  do Mula mula adong ugamo batak  dibarus marpungu ma akka natuatua na adong di barus jala dibaen ma parpunguanna di lobutua, jala marpesta do nasida disi jala dibahen ma jabu parasian nagabe parpunguanna di lobutua tua, dung lam leleng pinda ma tu ladang tonga, dibaen ma disi sada parpunguan.

Lam tamba ma akka pangihutna gabe adong ma 7 punguan di barus jala hurang lobi mar 600  kk ma godang ni ruas nadisi, guru KANDER MANURUNG  ma pimpinan ni nasiada ujui. Muba ma pamikkirion ni guru KANDER MANURUNG godang ma ruas i namaninggalhon  ugamo i, andorang so masuk dope nasida tu gomgoman ni parmalim hutatinggi laguboti, digoari do nasida parjolo pabas udutna muse gabe panbi. Sian panbi ma nasida gabe gomgoman ni parmalim hutatinggi laguboti. Alai namasuk tu hutatinggi laguboti holan 3 punguan ima lobutua,ladang tonga dohot kampung mudik anggo na asing nai nungnga marsibuat dalanna be mangihutton akka ugamo na asing. Hinorhonni naung marbungaran ugamo na sian luar negeri i, jala di tambai muse tekanan sian pamaretta tarlumobi diparsikkola ima umbaen lam surut ma akka ruas na i, holan na taronjor sian roha na ias nama nasida umbaen hot nasida marugamohon habatahon i. Sian i adong do nagabe martumbor tu huta na asing ima sian maduppang dohot tu sibolga adong dope nian tambani i alai anggo na tong mangihut tu hutatinggi laguboti holan nadua i do

Ulos Ragi Idup

Sai tong do lulu rohani akka ruas ni punguan i naikkon mangihutton ugamo naung di haporseai nasida. Mambandikkon akka namasa nuaeng diakka ugamo na asing na adong pimpinan na. Diakka holso ni rohani nasida i melalui HPK  roma barita ni amatta siampudan namandok adong do parmalim dilaguboti. Namarudut muse adong napabotohon sian aceh namargoar J S romandok napaboahon do tong na adong do parmalim dihutatinggi laguboti jala nungnga sian i ibana nungnga pajumpang dohot amatta ihutan.  Dung mulak ma amatta siamppudan adong nasida 3 halak, marsakkap jala martahi ma nasida nanaeng marsada tu hutatinggi laguboti, sada ma rohani nasida aut na dia sogot naro tuntutan tunasida sahata ma halaki ala ujui mangolu dope si KANDER MANURUNG jala dibaen nasida do surat persetujuan bahwa dangadong na mangarayu nasida na masuk tu hutatinggi laguboti alai ias ni roha ni nasida do jala gorak namangolu, sian i resmi ma nasida masuk tu tuhuta tinggi laguboti, jala rap masuk do punguan na tolu i.

BOASA OLO NASIDAMANGIHUT TU HUTATINGGI LAGUBOTI?

Sada sian natua tua na di p.ladang tonga ima op.doli simarmata mandok  “au halak batak do tudia pe au mangalakka tetap do  jiwa batak sai hot ma nian iba di habatahon i, tutu do adong huria kristen batak protestan alai dang asli imana mangihut di habatahon i” ninna nasida. Tung gomos situtudo natua tua i manosahon i tu tim kunjungan kerja. Jala didok natua tua ido “uju proklamasi kemedekaan Republik indonesia tanggal 17 agustus 1945, sian nasida do manjahahon proklamasi di barus ima simatua ni op.doli simarmata jala huhut mambaen tangiang sian nasiada do dang sian ugamo na asing”. 

Dung diboto nasida ma barita taringot tu parmalim hutatinggi laguboti jala olo nasida mangihut ala sarupa do ajaran nasian panbi na di ihutton nasida ujui dohot tu lagu boti, tung pe adong bedana. Tarsongon perbedaan na didapot nasida ima molo di pabas dohot panbi nasida marende do alai di goari mai jou jou sahala jala di jou jou sahala i adong do hata nai na dos tu tonggo-tonggo na sian hutatinggi laguboti, jala dung masuk nasida tu hutatinggi laguboti hea do dipangidohon amatta ihutan nasida marjou jou sahala. udutna muse anggo haruar marpunggu jala laho masuk marpungu nasida uju di pabas dohot panbi martongtongdo alai dung masuk ma tu hutatinggi laguboti sarupa ma diulahon nasida songon na di hutatinggi laguboti.

TARINGOT PARSIAJARAN TARINGOT TU ATURAN

Molo taringot tu parsiajaran aturan tu punguan ladang tonga, dung masuk ma nasida tu gomgoman ni amatta i, molo adong di nasida martutu aek, mardebata pasahat tondi dohot pamasu masuon, di parjolo nai sian laguboti do ro manguluhon, jala disi ma nasida marguru , tahap selanjut nangga boi be nasida mangulahon i, jala tamba tambana muse molo adong hadomuan di laguboti sian i boi ma padoshon ruhut ruhut ni akka aturan i